Beartas Modhnóireachta

1.0 Beartas Modhnóireachta

Sa tseirbhís seo, déantar modhnóireacht ar thráchtanna sula bhfoilsítear iad. Ciallaíonn sin go gcaitheann modhnóirí súil ar a scríobhann tú sula mbeidh sé le feiceáil go poiblí.   

Is éard is cuspóir leis an modhnóireacht a chinntiú go mbeidh plé cóir ionchuimsitheach ann. Ní úsáidfear an mhodhnóireacht chun cosc a chur ar dhíospóireacht chuí réasúnta faoi na ceisteanna a tharraingítear anuas.   

De ghnáth, ceadófar foilsiú tráchtanna má chloíonn siad leis na treoirlínte seo:   

  • Go léiríonn siad meas ar dhaoine eile. Níor cheart tráchtanna a dhéanamh a bheadh mailíseach, maslach nó ina n-ionsaí pearsanta ar cháil duine;   

  • Nach gríosú chun fuatha iad ar bhonn cine, creidimh, inscne, náisiúntachta, gnéasachta ná aon tréith phearsanta eile;   

  • Nach bhfuil eascainí, fuathchaint ná ábhar graosta iontu;   

  • Nach bpoiblíonn siad mionsonraí pearsanta príobháideacha ar nós seoltaí poist, uimhreacha gutháin ná seoltaí ríomhphoist;   

  • Nach mbriseann siad an dlí, lena n-áirítéar leabhal, sárú cóipchirt agus caint ar son gníomhaíochta mídhleathaí;   

  • Go bhfuil siad réasúnta gonta agus gan turscar a sheoladh chuig an tseirbhís;   

  • Nach fógraíocht atá iontu ar aon táirgí ná seirbhísí tráchtála. Féadfaidh tú táirgí agus seirbhísí ábhartha a lua fad is a thacaíonn siad leis an trácht atá tú a dhéanamh;   

  • Nach ndéanann siad pearsanú ar aon duine ná eagraíocht agus nach maíonn go bréagach gur ionadaí thú d’aon duine ná eagraíocht.   

  • Go mbaineann siad le hábhar. Ná cuir teachtaireachtaí isteach nach mbaineann leis an suíomh seo. 

2.0 Beartas scriosta

Déanfaidh an Chomhairle bearta réasúnacha chun ábhar a mhaolú sula bhfoilseofar ábhar ar an ardán. Mar sin féin, chun cabhrú le cásanna a aimsiú ina meastar go bhfuil gá le hábhar a bhaint den ardán, spreagann an Chomhairle fógra pras ón bpobal maidir le cloí le Téarmaí agus Coinníollacha, an Beartas Modhnóireachta agus Beartas Príobháideachta.
 
Má chreideann tú nach bhfuil aon ábhar ar an ardán ag teacht leis na Téarmaí agus Coinníollacha Úsáide nó nach gcomhlíonann sé an Polasaí Modhnóireachta agus Tóg Anuas, cuir in iúl láithreach é le do thoil le Comhairle Contae Mhuineacháin ag info@monaghancoco.ie chun an t-ábhar a mharcáil mar ábhar práinneach.
 
Sa chás go dtarlaíonn foilsiú ar chúis ar bith gur sárú ar Théarmaí agus Coinníollacha, Beartas Modhnóireachta agus/nó Polasaí Príobháideachta é tuairim Chomhairle Contae Mhuineacháin, coimeádann an Chomhairle an ceart chun:
 
  • an aighneacht a tharraingt siar ó fhoilsiú ar an Ardán agus
  • chun é sin a bhaint go buan nó
  • é sin a chur in eagar agus a athfhoilsiú go cuí.

​8th December 2023